يابنت بالله تغطي ما أنتي بطفلة صغيره=
النهد يابنت زامي والرمش صفة كتيبه=
حطي على الراس حطي طرحة تلف الظفيره=
الشعر كشفه حرامي والوجه كشفه مصيبه=
وليا مشيتي تخطي خطوات ذربة وأميره=
مري بستر وسلامي كوني لربك قريبه=
بالصوت حذرا تشطي خليك بنتٍ(ن)وقيره=
الهرج مثل السهامي يلفت عيون الشبيبه=
العقل يا بنت شرطي بعد غديتي كبيره=
لا من سمعتي كلامي صرتي لقلبي حبيبه=
يا بنت ماني بمخطي هذي لذاتك ستيره=
تحفظك قبل الملامي من كل شكٍ(ن)وريبه=