ياثقل بعض المزح لو هو محبه=بعض المزوح تجيب في وقتها العيد
اما زعل صاحبك من غير سبه=والا تفرح بالمزوح المقاريد
والا وقف من صدمة المزح قلبه=من عقبها ياعذر ما عاد بتفيد
إن عاتبك بتشوفها منه صعبه=وإن جاملك بالصبر للجرح لا تزيد
دور دوا للجرح وإعرف لطبه=لا تستهين بجرح ناسٍ(ن)أجاويد
وإن سامحك صاحبك خلك بقربه=وإحذر بعدها تثقل المزح وتعيد
مهد لمزحك قبل فوقه تذبه=ترى المفاجا بالحكي يكسر القيد
تخسر صديقك ثم تأخذ لذنبه=تصبح مودتكم بعد حب تنكيد
ومن لا يراقب قبل يمزح لربه=المزح بعضه يجلب الحزن لسعيد
ياثقل بعض المزح لو هو محبه=بعض المزوح تجيب في وقتها العيد

المشاركة الأصلية كتبت بواسطة أسد العرب (المشاركة 149957) سلامة قلبك هههههه ابي الوسام وصح لسانك اي والله صدقت المزح الزائد شين وكل شيء زاد عن حده ينقلب لضده

المشاركة الأصلية كتبت بواسطة عبير الشوق (المشاركة 149987) استاذي بن هليل :القصيده مع سطور المقدمة جميعها مبهجة شيئ مختلف وسلامة قلبك http://dareen-b3yony.com/vb/images/smilies/n20065.gif ابغي الوسام .. صح نبضك ولذاتك النقاء زهور الفرح تقديري