ياللي كنزت الهم بالقلب مخزون=
لا تفتكر عــــلة تداوي لعـــــــله=
الحزن ما ينهي معاناة محــــزون=
وشكوى لغير الله تحسب مذلــه=
خل إعتمادك فوق من نزل النون=
الأمر والتدبير والحــــــــــكم لله=
ارم الهموم خلاف والرب بالعـون=
اللي يعلم الحال دقـــه وجـــله=
الناس لو يقوون ما كان يشكون=
سلم لربك كامل الأمر كــــــله=
من عقبها كل هم تشكيه بيهون=
ربك كريم وكل صعبٍ(ن)يحله=

ياللي شكيتوا لوعة الحزن تدرون= عقولكم فيها من الوقت خله
طريا الفرح بقلوبكم مالها لون= استغفر المعبود من كل زله
تاحا لكم شيطان وانتم تسيرون= وراه واعماكم بطبعه ودله
ماللحزن والهم داعي على الهون= فوقوا قبل سيف المنايا تسله
اقروا كتاب الله حتى تفيقون= من غفلة الدنيا ودرب المذله
يااللي تغنون المجارير ولحون= دهوركم اللي في غلاف المجله
سرتوا اسارى كل ليله تونون= ومن جور همه زدتوا الطين بله
ارموا قناع الحزن حتى تحسون= بااللذه اللي تسعد القلب كله

المشاركة الأصلية كتبت بواسطة سعد حميد الثبيتي (المشاركة 153981) ياللي شكيتوا لوعة الحزن تدرون= عقولكم فيها من الوقت خله طريا الفرح بقلوبكم مالها لون= استغفر المعبود من كل زله تاحا لكم شيطان وانتم تسيرون= وراه واعماكم بطبعه ودله ماللحزن والهم داعي على الهون= فوقوا قبل سيف المنايا تسله اقروا كتاب الله حتى تفيقون= من غفلة الدنيا ودرب المذله يااللي تغنون المجارير ولحون= دهوركم اللي في غلاف المجله سرتوا اسارى كل ليله تونون= ومن جور همه زدتوا الطين بله ارموا قناع الحزن حتى تحسون= بااللذه اللي تسعد القلب كله

ياشيخ ياللي ترشد الناس وشلون=تقرأ الكتاب وبعض نصه تزله
إن جات لك بالكيف زيزوم دندون=وإن خالفت رايك حرامك تحله
الناس مثلك مؤمنين ويستعيذون=فل الحجاج الطلق ياشيخ فله
ندري قبل تدري عن اللي تقولون=الدين يسر ومن تشدد نطله
من لا يحس القلب ميت ومدفون=كلٍ على ماقيل يبراه ظله
الله خلق للضحك والخلق يبكون=هذي طبيعة بالبشر إفتطن له
طعنة تجي بالقلب منها يجضون=وطعنة تجي بالجلد تحسب مجله
وإن كان طبعك غير لا تكسر الشون=تعوذ الشيطان والفرض صله
ما أنته وكيل الله على الخلق بالكون=ولا أنته بهادي عبد مولاك أظله
مثلك مثل غيرك مع الناس مقرون=كل واحدٍ(ن)خيره وشره يشله