الهنوف اللي سقمني ودها=من سنين القلب ينزف ما بـرا
خنجر الأشواق ساطي حدها=كل عرقٍ(ن)في فوادي تبتـرا
بالعذارى ماش وحدة قدها=جامعة كل الوصوف الندرا
كن برق الصيف لمعة خدها=لا تجلى في مناشيه وسرا
كن رمان الحجاز بنهدها=ومبسمٍ(ن)ناعم كما الورد احمرا
وكن عناب البنات بيدها=ريحها مسكي وعود وعنبرا
العسل يشبه ذوايب شهدها=طعمها مخلوط شهد وسكرا
ليتني عقدٍ(ن)ذهب في قدها=مثل ما قالوا قديم مسمرا
وليتني قضيت عمري عندها=كل ليلة لين نصبح سُمرا
تأخذ اللي تشتهيه وبدها=من فؤادي بدون بيع ومشترا
وأخذ اللي تصفطه من مدها=القليل من الغضي يغني ثرا
الهنوف اللي سقمني ودها=من سنين القلب ينزف ما برا