ياجابر همومي ثقيلات وكبار=مثل الحمول الجايرات المكيده
اوحاول اشرحها بتنظيم الاشعار=لاصغتها في مفردات القصيده
استحضر بيوت ومحاريف واختار=واترك هزيل القول واخذ مفيده
شاشة خيالي حاويه كل تذكار= واستعرضه ويزيدشوقي واعيده
اذكر ليال الانس والحي والدار=ذكرى الحبايب والليال السعيده
وجدي على من له معزه ومقدار=ذاك الحبيب وحب غيره ما اريده
أي والله احبه ولا فيه معذار=حبً عسى ربي بقلبي يزيده
ابعدولاجاني عنه علم واخبار=والدرب كايد والمسافه بعيده
اليوم من دونه مسافات واسوار=وازريت مع مر الزمن لا استعيده
شفني بعدفرقاه كني على نار=نارً تذوب من لهبها الحديده
والله لو ماني مكابر وصبار=والجم بصبري كل عبره مريده
لاهل دمع العين واطيح منهار=واكسر سمو وقدر روحً عنيده
وتبين لعدايه خفيات الاسرار=المستقره بالدروج الجويده
ميرالامل بالله في سر وجهار =الواحد اللي مايخيب عبيده
يالله ياللي للخطيات غفار=انت الذي فيك الامل والعقيده
افرج لمن كنه على واهج النار=ماغيرك احد يحقق اللي نريده
التميز
الإهداءات
ياجابر همومي ثقيلات
