أسعد الله أوقاتكم
القصيدة رقم 100 بالديوان 6
إكتمل بعون الله وسوف يطرح الديوان 8 قريبا
ولا زال العمل مستمرا بالديوان 7
الأبيات علها تروق لكم
ياصاحبي لو تدري بحالي=ما كان غيري يشغلك عني
ماجا ببالك تعرف أحوالي=والا عن أحوالك تطمني
أتعبتني وأتعبت جوالي=يا صاحبي وشجالكم مني
من أولٍ(ن)ترد طوالي=واليوم لا رنيت ترفضني
نسيتني وأهملت مرسالي=ما تدري إن الصد يذبحني
ولو منت عندي ياغلا غالي=ما والله أزعل لو تقاطعني
لكن عندي منزلك عالي=قاطعتني والا مواصلني
بنيت لك بالقلب تمثالي=قدام أعرفك وأنت تعرفني
هذي حقيقة ما بها جدالي=يا صاحبي أكيد فاهمني
إن جيتني يا طيب الفالي=أهلا هلا تأمر وتحكمني
وإن رحت قلبي ما هو بخالي=طيفك رفيقه دوم يسكني
ما عشت تبقى مشغل البالي=صالحتني والا مخاصمني
ما والله أعشق بعدكم حالي=بكل المذاهب شيعي وسني
أنت الهوى لو فيه غربالي=ظلمك عدل في واقع وظني
ياصاحبي لو تدري بحالي=ما كان غيري يشغلك عني
التميز
الإهداءات
ماجا ببالك تعرف أحوالي !!!
رد: ماجا ببالك تعرف أحوالي !!!
