قصيدتي الثانية بمناسبة عاصفة الحزم
علها تروق لكم
...
بسم الله الرحمن نبدابه القيل=والشكر للرحمن ضمن العباده
من عقبها بذكر فعول الرياجيل=أهل العقول الراسخة والرشاده
سلمان لا من قيل وين الزواحيل=أبو فهد سلمان راع القياده
وريث مجد المملكة بالمصاقيل=من ساسهم قومٍ(ن)على الناس ساده
مد بيمينه للصقور الفناجيل=اللي على العالم خذوا للرياده
أطلق عنان الموت بأم الدرابيل=الخصم ما يلحق لنطق الشهاده
أرسل بها صوب اليماني محاميل=باللي تخلي كل شامخ رماده
يا سابقات الصوت في ظلمة الليل=دكي مخادعهم بليا هواده
إرمي لهم من فوق مثل الأبابيل=بيدي معاقلهم بنارك بياده
عيدي لهم ذكرى زمن غزة الفيل=والنصر من رب المخاليق عاده
عفاش والحوثي دعاة الأضاليل=يحرم عليهم نوم فوق الوساده
خانوا ومنهو خان يا ويله بويل=تشويه جوف النار مثل الجراده
دون الوطن والدين ما يضعف الحيل=على الصدور الموت يلبس قلاده
مكة وطيبة دونها كل حلحيل=من شاربين الدم بالحرب ساده
الله حمى بيته لجيلٍ(ن)بعد جيل=ولاه من يحماه حج ورفاده
آل السعود موفية كيل في كيل=في كل محفل ماخذين الأشاده
الممكة حكامها تعدل الميل=من يومهم ما يقبلون النقاده
الحكم بكتابٍ(ن)منزله تنزيل=الواحد المعبود مابه زياده
وختامها يالله بالفعل والقيل=الحمد الك والشكر ضمن العباده
التميز
الإهداءات
عيدي لهم ذكرى زمن غزوة الفيل !!!
رد: عيدي لهم ذكرى زمن غزوة الفيل !!!
