شطحات خيال
الله يــاطـول الـمـسـافات يـقـلعك
صـابـت مـشـاعرنا بـحسرة ونـكبة
ودك وانـــا ودي تــقـرب مـرابـعك
تـنـزاح عـنـا يـاهـوى الـبـال غـربة
ودك تـكـلمني وانــا ودي أسـمـعك
مير الظروف وفارق الوقت صعبة
والله مـاودي عـن الـمطلب أمنعك
يــا مـاخـذن قـلـبي تـسـلي ولـعبة
يـالـيت مــن وداك يـمـي يـرجعك
مــن شــان تـهـنا بـالقلوب الـمحبة
وإن كــان مـارجـعك عـله يـمتعك
تـهـنـا بــحـاة لـيـنـة حـيـل رطـبـة
أعــوام راحــت مـالـحقنا مـنافعك
نـطرد أمـاني فـي مـتاهات خـربة
رفـعت لـي فالبعد واسط أصابعك
عــلامـة لـلـنصر مــن كــف صـلـبة
يـاشـوق مـنـهو لـلـتباعد يـسرعك
مـاذاقت كـبود الـرجا مـنك شـربة
كـنت الأمـل يـوم القصايد تمتعك
قــدام يـغـرق حـلـمنا جـوف غـبة
قطعت حبل الوصل قدام يقطعك
وحـطـيت سـم الـبعد لـلباب ضـبة
حـتـى الـموادع مـاتهنيت أودعـك
سـبـبت فـيـني داخــل الـكبد ذبـة
مـابـاقي إلا حـلم فـالقلب زارعـك
يـحـصدك بــاق الـعمر حـبة بـحبة
تـاهت مـطامعنا وتـاهت مطامعك
أحـلامـنـا مـاتـت والأيــام غـضـبة
الله يــاطـول الـمـسـافات يـقـلعك
صـابـت مـشـاعرنا بـحسرة ونـكبة
ⒿⒶⒷⒺⓇ
التميز
الإهداءات
قطعت حبل الوصل
رد: قطعت حبل الوصل
