يلبس من الديباج برقع ومخمل

من شدة اعجابي وقفت اتامل=واطالع اعيون الغلا في غرابة
واقول سبحان الذي زان واكمل=وكاسي الزين الحسن والمهابة
اقبل علي الزين كامل مكمل=يمشي كما تمشي القطا في رتابة
يلبس من الديباج برقع ومخمل=وسجاد ايراني فرش عند بابه
والطيب له جابوه من خير معمل=مصنوع له مخصوص تحت الرقابه
ولوطلب عز الطلب كيف يهمل=وكل شي محسوب له في حسابه
الله عطاه الحسن واكمل وجمل=ما عابه الا شدته في حجابه
له صوت يقبع في الحنايا مرتل=ما كنه الا ايقاع صوت الربابه
جاهل وتوه من زمانه تحمل=ولا الزمن يفخر بنقشة خضابه
اغنج شبيه البدر في وقت يكمل=وتكسوه هيبة في مباهي ثيابه
ان مال كن الوقت يمه تحول=واذا وقف تاقف عليه االسحابه
واشهد باني في هواها لأثمل=بل ان عشقي طال حتى ترابه
احب ما يهوى وما كان يعمل=واحب من اجله شقاه وعذابه
أي والله اني في هواها مبجل=من اجلها اكرم جميع القرابه
بنتن لها وجدن فيالقلب يشعل=واشتاقها حب وهيام وصبابه
من شدة اعجابي وقفت اتامل=واطالع اعيون الغلا في غرابه
واقول سبحان الذي زان واكمل=وكاسي الزين الحسن والمهابة

صح لسانك مليون ولا يكفون



تقبل التحية

صح لسانك للرضا





كايفة لا هنت

سلم البنان والبيان ايها المبدع

قصيدة معطرة من طيب الأصل مثمنة
بل ابداع متناهي

شاعرنا طارق : طاب قلبك وجاد قلمك ثراء

صح لسانك ياطارق قصيدة جميلة لك
تحياتي وتقديري

صح لسانك واعتلا شانك ابدعت لا هنت




خالص الود

تألق فيما دونت صح لسانك للرضا

ملك القلوب

مخاوي الليل

عبدالمجيد

نائب المدير /عبير الشوق

الشيخ عوض بن عيبان

ذئب الطائف

روح القصيد

بمروري الندي وتعليقاتكم العذبة

يزهو متصفحي وتزدان جوانبه

نثرتم طيب الكلم وعبق الجمال فكنتم الروح وبيت القصيد

قوافل من الشكر وباقات من الورد والرياحين لاشخاصكم الكريمة

ودي وتقديري

الله الله


صح السانك ياطارق على هذه القصيده ويعطيك العافيه


وبيض الله وجهك ولك تقديري واحترااااااااااااااامي