يا مراسيل شعري وصلي للسلام=علمي صاحبي بالبعد شان الطروق
ما نفعني قصيد ولا نفعني كلام=الهوى في عروق القلب ذئبٍ(ن)سروق
ينهش القلب ما يحسب حساب الملام=صار قاضي لكنه ما يعرف الحقوق
أشتكي له مواجيعي وحكمه عدام=ما يراعي ظروف ولا يراعي فـروق
قلت:خلي هجرني قال: هذا مرام=يكفي إنك تشوف الطيف مثل البروق
آه من شوقي اللي وصل حد العظام=أتمنى وليفٍ(ن)حال دونه عيوق
ليت عيني تشوفه مرةٍ(ن)كل عام=يمكن الروح تهدأ ودمي يروق
علني يا حبيبي الروح عيني تنام=يمكن الدم تهدأ سرعته بالعروق
المشاعر تعاوى من بلاها الغرام=سببت بالحشا فيني سواة الحروق
الدوا ما لقيته صاب حالي سقام=كن كبدي من اللهفة تعاني شقوق
يا مراسيل شعري وصلي للسلام=علمي صاحبي بالبعد شان الطروق
التميز
الإهداءات
المشاعر تعاوى من بلاها الغرام !!!
رد: المشاعر تعاوى من بلاها الغرام !!!
