مداعبة اخوية علها تروق لك وللأخوة والأخوات اعضاء وزوار القوافل العربية
يارباح الوضع أشوفه مختلف ماهو بزين=المشاكل كاثره بالشمال وبالجنوب
والمصيبة يارباح الحرب بين المسلمين=سلط الله بعضهم على بعض حوف الذنوب
ارفع كفوفك لربك واطلب المولى يعين=قول:يالله يا إلهي لا تكثر للحروب
الحروب أكبر بلية للعباد المؤمنين=ضيعت خلقٍ(ن)كثير وطيرت ما بالجيوب
وينها شام الخلافة ماتسر الناظرين=ماعرفنا يارباح اللي غلب واللي مغلوب
قبلها حرب الجنوب اللي لها عدة سنين=بين صنعاء والمكلا نارها شبت شبوب
ثم غزة يارباح اللي تروع الغافلين=ماحصل للشعب في غزة يدمي للقلوب
والعراق اللي من أول سميت بالرافدين=بعد ما راح الأسد خشت متاهات الدروب
والله إنه يستر من أيام جايه يافطين=لا تنوش النار ثوبك ثم تنسفك الهبوب
مير هلل وإذكر المولى وسبح وإستكين=وإن لحقك ذنوب منها يارباح اليوم توب
الله إنه يرزقك ياصاحبي دنيا ودين=وإعلم إن الشمس من بعد الشروق الها غروب
مايدوم الحال لو زان لك حال يعود شين=كم واحد غرته دنياه والدنيا لعوب
يارباح الوضع أشوفه مختلف ماهو بزين=المشاكل كاثره بالشمال وبالجنوب
صح السانك يابن هليل ... وماكفاك رد عثمان ههههههههههه وماكفى دعاك انت على الحروب تبيني ادعي معك ههههههههه على العموم صح السانك والله يعين على الرد بس لاتباطاه لأن جنيتك الرد عليها يبيله استشارة قراء مخضرمين ههههههههه والله لايعيد طاريها هذا بعد هرجتي فيها البارح والسبب كله . عبير الشوق . الله يسامحها.
صح السانك يابن هليل ... وماكفاك رد عثمان ههههههههههه وماكفى دعاك انت على الحروب تبيني ادعي معك ههههههههه على العموم صح السانك والله يعين على الرد بس لاتباطاه لأن جنيتك الرد عليها يبيله استشارة قراء مخضرمين ههههههههه والله لايعيد طاريها هذا بعد هرجتي فيها البارح والسبب كله . عبير الشوق . الله يسامحها.
التميز
الإهداءات
الحروب !!!
رد: الحروب !!!
