الوارد .. يقلـط

.

سلام الله سلامن - حلْ في دار العرب عساس == سلامن مركم فالقافله يمشي على هونه

ولا يا هل القوافل كان جا فيكم صليبن رااس == نبا منهو يلبينا - تجي شلفاه مسنونه

.

.

حياك الله يا فهد

مريت مالقيت احد رد عليك

الظاهر عشان ما يعرفونك

لكن بوجب معك بكم بيت نيابة عن اهل المحل

هلا يامرحبا ترحيبةٍ ماهي من القرطاس=مع الأقمار نرسلها وهذا الضيف وش لونه
على هونك على هونك كليب يبتله جساس=ترى بعض السهوم تسم كبد الذيب ملعونه

البقا يا راعي مرحبا ..

وفيك الخير والبركه ..

.

يدوم لك البقا والوكر - ياقف دونه القرناس == يرحب بالضيوف وعادت العـرّاف يقلونه

يقولون العرب - لا قـلّت الطبخه على المحماس == بيحـرقها بناره - والسبب من قـلّت المونه

.

.

وحيد القرن لو ينطح بقرنه فالجبل ما هاس=وأنا أشوف الولد ينعس وخش النوم بعيونه
يقولون العرب والكيف مشروهه على الحماس=وضيف البيت محد من العرب يفتش لماعونه

نزلنا ما لقينا كود حزمه في طرفها فاس == طمعنا فالحيا لكن حال الجم من دونه

اشوف الذود يمشي فالخلا ما حطْ له حراس === عسى بتال يشعبها مع الوديان وبشونه

.

صح لسانك


اعتذر بطلع امر مستعجل

بعد طبيت بالاقرع تبي تضحك عليك الناس=لو إنه وجه طيب والعرب مثلك يحبونه
ياشين الشاعر اللي جابها ثنتين ثم انحاس=يصيح بالخلا يبا العرب مني يفكونه

ليا منه بلاني بقرعن - بيـرك ترى المقياس == شوي تحس وقع الذيب واللي فاات تنسونه

احسب ان العرب تصحى ليا من دقت الاجراس == واثر ما غمضت عين الولـيِد اللي يدفونه

صحت السنتكم
الشاعر الكبير فهد الدقيس هلا وغلا يابن العم
شرفتنا في القوافل يالله حيه
بصراحه فرحت بك عند ما رايت اسمك مزين متصفح القوافل
يامرحبا مليون ولا يكفون

فهد الدقيس حياك الله مليون بين ربعك واخوانك وسلمت على هذه المحاوره الرائعه وسلم الاقرع على الرد المميز وكلكم مبدعون لكم تقديري

صحة الالسن يالنشاما والصف صف الاقرع علي طول حتي لواني ماني موجود