مدري متى خمسي تصافح خمسه

السلام عليكم
قصيده جديده لعلها تحضى برضاكم

ياهم صابح فوق قلبي وامســـــــــه= وانت اتعرفنــي فارس الميداني
اصارع ضروف الليال العمســـــــه= واحدها قدام لا تحدانــــــــــــي
يامل روحً بالشقاء منغمســـــــــــه = ويامل قلبً يشتكي ويعــــــاني
اضحك وتيار الهموم يحمــــــــــسـه= حمس الخبير لوارد اللخـــولاني
على الذي صدى غناه وهمــــــسه= يطغى علي ويقتحم كيـــــاني
حبه كبير ولايغيب رمســــــــــــــه = جــــور الجفاء والبعد والحـرماني
والحب من يقدر يسبب طمـــــــسه= اذا انمدمج مع نبضة الشــرياني
وحبيبي الله لايغيب شمـــــــــسه = منسى غلاه ولا اعتقد ينساني
غالي علي وحاضره مثل امســــــه= مايخلفه تغيــر الازمـــــــــــاني
مدري متى خمسي تصافح خمسه=في غيبة العـــــــذال والعـدواني
واطفي ضمايه واستلـذ بلمــــــسه= وهـــــــذا مناي وقرة الاعياني

صح السانك يابو مشعل ابيات رائعه

يا سلام يا سلام


اروع من الرائع


صح لسانك للرضا

رائعه ياخال ومعبره في نفس الوقت وان شاء الله خمسك تصافح خمسه لله درك تقبل تقديري واعجابي لما كتبت

وحبيبي الله لايغيب شمسه
منسى غلاه ولا اعتقد ينساني

صح السانك ... ابو مشعل ..

صح لسانك يابو مشعل رائعه الله يعطيك العافيه ..





تقديري واحترامي لك..

رووووووعة صح منطوقك موفق يارب

صح لسانك وسلم بنانك روووعة

صح لسانك وسلم بنانك ابدعت وامتعت قصيدة تلامس مشاعر القلوب

اقتباس : المشاركة الأصلية كتبت بواسطة عبدالرحمن عويض المسعودي [ مشاهدة المشاركة ]

صح السانك يابو مشعل ابيات رائعه

صح بدنك الابداع بمرورك االعطرلاعدمتك ياعبدالرحمن
شكرالك