أسعدكم الله
قد يلفت إنتباهك شيئا معين فيحرك رغبتك للتعبير عنه
صورة او منظر او موقف او خيال فتبدأ تنسج بعضا من الصور لتخرج للقاريء شيئا معبرا
أحد هذه الأسباب هو الدافع لهذه الأبيات
علما بأني قد مازجت فيها بين صور خيالية مختلفة لكي لا أعري المقصود في صورة واحدة
اليكم ما جادت به اللحظة
ياللي تعرض الحسن والكف منقوش=ماكل خرعوبٍ(ن)بيزهى بكفيه
ليتك سما ماكل من شافه ينوش=ما كان لحقت عتاب ومشاريه
حسن الأدب والروح للعقل كلبوش=تحكمه ما كل ما طرأ له يمشيه
أغلى الحُسن اللي عن الناس مخشوش=الحُس ما يحتاج نقشٍ(ن)يحليه
ماهو بحاجة تعرض لكف ورموش=ليتك عن عيون الأوادم مخبيه
سحر الخفا أقوى من أفعال دنبوش=على القلوب اللي تدور مواريه
الكايد أزين لو تعنت له طروش=والغالي أغلى لو زادت مشاريه
ياكم هز قلوب لملوك بعروش=واللي يعرض رخيص ماحد يشريه
ما يتبع المربوش ياكود مربوش=الزين زين العقل يا بايع التيه
من ضاع عقله في لياليه بيشوش=بعض السوايا للمهالك توديه
حتى الذهب يرخص لياصار مفروش=كلٍ(ن)يدوسه ما يحسب لراعيه
كذا الوفا لا صار زايف ومغشوش=كله كلامٍ(ن) بالفعل ما تلاقيه
زيف وخداع وكذب بالغدر مرشوش=مافيه يعني ايه مافيه ما فيه
مثل سحاب رعود وغيوم ورشوش=الأرض ما تنبت ولا حي يرويه
والرأس لو هو رأس لا صار معروش=لا راح مخه وشتدور بأذانيه
يشبه وعود البيت الأبيض زمن بوش=يوعد كذب مافيه شيءٍ(ن)يسويه
تغطرس وتالى تغطرسه طربوش=جزمة من الزيدي بوجهه تحييه
من روعة الصدمة تسمر ومدهوش=مذلةٍ(ن)لكنها ما تكفيه
إنغر والمغرور طاوؤس منفوش=مثل غرور الزين في نقشة يديه
ياللي تعرض الحسن والكف منقوش=ماكل خرعوبٍ(ن)بيزهى بكفيه
التميز
الإهداءات
الكف منقوش !!!
رد: الكف منقوش !!!
