للتواصل ولو طال الفاصل
يكفيك يا قلبي من الــوقت ما راح=مافيه داعـــي للمواجــع تجدد
لا تتبع المقفي يجــدد للأجــراح=حلــمٍ(ن) حلمته في ثواني تبــدد
واللي من أول فوق سرعان ما طاح=أخــذ قــراره وإنتـحى ما تردد
ما يدري إن الشوق في داخلي صاح=والصدر ضــاق ولا قـدرت أتنهد
ما يدوم عمر ولا يدومن الأفــراح=ما باقي الا الهـــم هذا موكــد
بسهر معه ليلي ليا وقت الأصبـاح=وليا تعبــت أقربــه وأتوســد
هذا رفيـق الدرب ما يوم ينــزاح=حظـي معه سـواة حـظ المقـرد
ماني محصل من ورا حظـي أرباح=كل يوم أشـوفه بالهمـوم يتشـدد
صارت تطاردني بالأيـام الأشـباح=كنـي وحيـد بعــالمي ومتفـرد
يا قلب مكتوب الك ما عاد ترتـاح=باقي زمـانك وقت ماهـو محـدد
ما فيه داعي تلحق صيـاح بنواح=أذكر كـريم الوجه وأذكـر محمد
التميز
الإهداءات
اللي من أول فوق سرعان ما طاح !!!
رد: اللي من أول فوق سرعان ما طاح !!!
