مافي الحمض احد

الليله الليله نويت الحرب واظهرت السلاح= والشاعر ان وريته سلاحي ترا دمه جمد
والله لا اعاقبكم عقوبه بالهجاد وبالصباح = ودي بشاعر معتبر لكن ما فالحمض احد

ياعجايب ياعجيب كيف القمري صاد الذيب بدعه فيها ان ايش هذا يابشر ماتخفو شوي

الليله انا مثل صقر وانت بندقك السلاح= لكن ياراع السلاح الله يعينك فالبلد

اللي ببطنه لحمة نيه لك الله مااستراح= وليا دخلت الحمض تلقى الذيب والم والاسد

مثل الصقر منته صقر لو كان الك ريش وجناح= اسمك سعد لكن ماتحسب من طيور السعد
انته وش يعرضك للسيف المجرد والرماح = مطوع(ن) يحسبه يسلم من سلاحي لاسجد

الحسو مايقطع ضما ماهو كما العد القراح= يالساحر اللي جاب سحره مار باذن الله فسد

ليا سجدت اسجد لربي وانت سجدتك لرباح= رميك فلل يوم انا ياصاحبي رميي ركد

با اغير الموضوع وابغا اضهرك بالحزم البراح = اما تضيع حسبتك والا تعددها عدد
عينت فص الملح يوم انه بوسط البحر ماح = لاما منعته قبل يغرق يوم الك حيل وجهد

غير وانا مظهرك وقت الليل والا فالصباح= مالك مطير ولامنير ابقى على الحزم الجلد

ماضاع لي حبة شعيره وانت صدرك ليش فاح= الضلع ماهزه رياح ولاعواصيف ورعد

تكتم بصدرك ياسعد والا تلجلج بالصياح = السبت بالترتيب كل(ن) يعرفه قبل الاحد
انت انفتحت مع الفضا والعولمه والانفتاح= تفرح بصوت الطرطعه واتخاف من صوت الرعد

تصبح على خير غط البيوت استاذنك ابي انام

مابعد بيوتك غطا الله يعطيك العافيه هي مغطيه نفسها ههههه ونوم العوافي وتصبح على خير