الطارف منكم

ثلاثه من ثبيت وودنا باللي يسد النوب= يجمل مخلف الهقوات قدم معزب الحله

ورقعه من قماش الثوب تزها في قماش الثوب= ليا غطت على شقه تغطي موخره كله

صح لسانك يامخلف الهقوات وبنتظار من يجاريك من شعرائنا الافاضل تقديري لك

يسد النوب مثلك بالكرم يا غاية المطلوب= يعش الضيف والزايد يبا يقعد على حله
ثياب الناس مايوجد بها خله ولا عذروب = وثوبك من خلافك منشلح ياصاحبي شله

سلمت ياشاعر قبيلتنا ولسانها لله درك على هذا النقض الغير مستغرب منك الى الامام وانا متابع للجزاله من الطرفين

انا وياك يعثمان لاغالب ولا مغلوب= وانا خابرك رجال تشيل السيف وتسله

حشا ماذمكم واقول فيكم لابس المقلوب= وثوبي ياطويل العمر تفصاله على مله

فتل ونقض على اصوله سلمتم ودمتم وانا من المتابعين لكم

محاوره قيمه فيها فتل ونقض من الشاعرين شكرا لكم

بيض الله وجيهكم على هذه المحاوره واصلوا الابداع لله دركم

المعذر رحت مشوار دوبي رجعت

شواعيرالبلد ياهل البلد فنجالهم مشروب= وبعض الناس يحضر ويتغيب محد يفطن له
وانا ما اذمكم لو تسلمون من اصفر العرقوب = يصب الكم عصير البرتقال بداخل الدله

مرحباياسند الفهمي كيف حالك على طول الغيبه ولا يهونون الاخوان المتصفحين احترامي وتقديري للجميع كل باسمه