قديم 04-02-2010, 06:01 AM رقم المشاركة : 1
معلومات العضو

الصورة الرمزية صقـر عتيبـة

إحصائية العضو






صقـر عتيبـة is on a distinguished road

 

صقـر عتيبـة غير متواجد حالياً

 



الاوسمة

المنتدى : قوافل محاورات الأعضاء الشعرية "> قوافل محاورات الأعضاء الشعرية
افتراضي .. ( محاورة .. راع الصدق .. و .. بن هليل ) ..

المحاورة التي جرت في يوم الاربعاء ليلة الخميس

بتاريخ (19 / 2 / 1431 هــ ) ( 3 / 2/ 2010 م )

بين الشاعرين الكبيرين هما

1 ) راع الصدق

2 )
بن هليل

اليكم المحاورة

راع الصدق

ينومسني ويفرحني ليا كثروا رجال ثبيت=الا ياالله تجعل جمعهم جمع(ن) على الطاعه!
الا وين العميل اللي يجاريني على هاالبيت= نبا ناخذ ونعطي في رحاب العز لو ساعه!

بن هليل

علامك يالمطوع قبل يذن قمت ثم صليت=قصرت الفرض قبل الكبتن يحدد إقلاعه
سمعتك ياعميل الخير تنخا ثبيت ثم لبيت=نبا ناخذ معك فصلين صيفية ومرباعه

راع الصدق

انا موفي فروض الدين وانته ياعساك اوفيت= لكن احذر من الحايه على مركبك وشراعه
اللي عدة سنين انخى ودوبك يارفيقي جيت= لكنك بعد جيت افرح بغايبنا ومرجاعه

بن هليل

يقولون المطوع يخلط السكر مع الحلتيت=وأنا قول المطوع ضاربه من وقتنا راعه
ليامن شاف له إثنين كنه راكبه عفريت=مخبي له جهاز وشابكن بذنيه سماعه

راع الصدق

ترى سمعة رجال الدين ترقى في شفا قرنيت= ليا شديت حيلي صابتك في ماقفك ماعه
نخش ونفرع الهيه ونلزم راعي الشربيت= يجر بغاربه والرجل تربط في طرف شاعه

بن هليل

الا يا أصحابنا لا تشعلون النار بالكبريت=ترى الإسلام ياقوم اللحا ماهذي طباعه
ليا كثر الخطأ ماني بقابل عذر لو سويت=ترى العربان ما تسمع عمى يهش مقشاعه

راع الصدق

ترانا ياوسيع العرف فاهمين وطيبين الصيت= علامك شايل(ن) شونك وتقرع لك بقرقاعه
تعاتبني تقلي صار فالموضوع كيت وكيت= انا احسبكم رجال تدافعون وعندكم ناعه

بن هليل

تسوون المصيبة تحسبون المنفعة تنكيت=ترى ما كل تفجيرة بحسب العرف طرطاعه
ترى حسن الخلق ينفعك لكنك عنه زليت=ولا يردعك لين تطب لك في قوم قطاعه

راع الصدق

ليا منه غلط واحد تتريقتوا براع بشيت= وصبيتوا علانا هوشة(ن) من دون فراعه
انا ماازل درب الحق لكنك يابو تشميت= تبانا نستهين بديننا مع كل دراعه

بن هليل

من المشرق ليا المغرب تذكر كم عين أبكيت=ودائم حجة المفلس يحط الدين شماعه
ترى الإسلام حرم غيبة المسلم مع التصنيت=وهذا خصلة فيكم يا مال القوم والضاعه

راع الصدق

على وضح النقا نربا المخالف يوم ماربيت= ترى راع الرعيه دايم(ن) الذيب فاسناعه
تقدم لك بحجه مالها ياصاحبي تثبيت= ترى قدمك هبيه لو تحول مالها قاعه

بن هليل

مصيبة تحسبون حسابكم غلط بلا توقيت=فعائل ما يسويها رضيع يشيل رضاعه
يقولون الملك ناوي يشتت شملكم تشتيت=عسى ربي يعزه هو متى بيحط مرقاعه

راع الصدق

ترانا لو عطيناك الشحم لتقول ماوفيت= لكن الكم حساب(ن) عند رب البيت والساعه
ملكنا الله يعزه حي قلبه لاتقلي ميت= الا يااللي مثيرين الشغب جاكم بمدفاعه

بن هليل

ترى المكشوف ما يندس لو غطيت ما غطيت=ومن لا توقع طاح في عمقان وسباعه
ليا كان الغلط من يمكم وش عاد لي خليت=ياطير(ن)عارفين البدو مطياره وميقاعه

راع الصدق

تعال وزورنا في مركز الغالين لوحبيت= وحتى تعرف المكشوف والرجال وطباعه
انا با ابنشدك يوم تقول هذا الهرج وش شميت= لو انك في مكاني كان جبت الذيب بكراعه

بن هليل

تحسبنك تعز الجدر وأنته يافتى هديت=بعد وصلت يا ذيب الخبت حلق الرجل و وراعه
ترى منته رقيب الله على خلقه ولو أهقيت=لا تحمل وزر خلق الله يبو عينين دماعه

راع الصدق

انا اشوفك من الليله على موجاتنا فريت= ترى باعتك هزلانه لاتجلب يمنا الباعه
انا ماشي على السنه ولا في مذهبي سنيت= ولا حنا على بعض العلوم العوج تباعه

بن هليل

ترى هذي نصيحة كان تقبلها فنا لديت=وعلمتك بطب القلب يا رجال وأوجاعه
ترى صبرك يهد جبال والحكمة عمود البيت=ومن ربي منعها عنه عقله راح فرقاعه






التوقيع

اضغط على الصورة لرؤيتها بالحجم الطبيعي
اضغط على الصورة لرؤيتها بالحجم الطبيعي

( عتيبة جناح الصقر وثبيـت هامتـه *** ولا يستـوي طيـر بغيـر جـنـاح )

رد مع اقتباس
 
   
قديم 04-02-2010, 11:24 AM رقم المشاركة : 2
معلومات العضو

الصورة الرمزية الـسـيـف

إحصائية العضو






الـسـيـف is on a distinguished road

 

الـسـيـف غير متواجد حالياً

 



الاوسمة

كاتب الموضوع : صقـر عتيبـة المنتدى : قوافل محاورات الأعضاء الشعرية "> قوافل محاورات الأعضاء الشعرية
افتراضي رد: .. ( محاورة .. راع الصدق .. و .. بن هليل ) ..


صحت الالسن .. طاروق كايف

ويعطيك العافية تنسيق رائع ..


كل الود
..







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 04-02-2010, 01:54 PM رقم المشاركة : 3
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


كاتب الموضوع : صقـر عتيبـة المنتدى : قوافل محاورات الأعضاء الشعرية "> قوافل محاورات الأعضاء الشعرية
افتراضي رد: .. ( محاورة .. راع الصدق .. و .. بن هليل ) ..

الله الله

محاوره راااائعه

مشكور على التنسيق






رد مع اقتباس
 
   
قديم 04-02-2010, 02:18 PM رقم المشاركة : 4
معلومات العضو
أديب

إحصائية العضو






نجم العرب is on a distinguished road

 

نجم العرب غير متواجد حالياً

 



الاوسمة

كاتب الموضوع : صقـر عتيبـة المنتدى : قوافل محاورات الأعضاء الشعرية "> قوافل محاورات الأعضاء الشعرية
افتراضي رد: .. ( محاورة .. راع الصدق .. و .. بن هليل ) ..

الله الله



صحت الالسن محاورة رائعة بكل المقاييس


الله يعطيكم العافية







رد مع اقتباس
 
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:54 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
الحقوق للقوافـل العـربية: جوال الرسائل 966553850455+

a.d - i.s.s.w

RSS 2.0 RSS XML MAP HTML Sitemap ROR