هذه المحاوره جرت بين الشاعرين/فواز السعيدي/والشاعر راع الصدق في احد المنتديات لذا حبيت انقلها لكم
سعد حميد(راع الصدق)
سلام ياربعي عتيبه درع جنبـي والحـزام=اهل السيوف المرهفات اللي وساع طعونها
الطارف يجينا على قدر ومعـزه واحتـرام=مال الحمل غير الجمل والحشو تبرك دونها
فواز السعيدي
يامرحبا وانا من الهـذلان عاليـن المقـام=خوالك اللي ياسعد مالك سعد من دونها !!
انا سمعت انك ..مطوع ليش عينك ماتنـام=ترى السهر يعمي الرجال الطيبه فعيونها
سعد حميد(راع الصدق)
دام البقا وانا من العتبان مافيها كـلام=عمانك اللي يوم زرق الشلف ماتنسونها
انا تهجد واطلب المعبود في حسن الختام= فالديره اللي كل خلق الله يبون يجونهـا
فواز السعيدي
الشاعر اللي مايغط البيت جعلـه للعـدام=وانت انتبه للسالفه لايختلف قانونهـا !!
نبغاك تسكن في بريده ثم تـذّن فالانـام=ونقلك (مطوع بريده) .. ميزةٍ ياهونها
سعد حميد(راع الصدق)
الليله الليله مابين ثبيت وهذيل الخصام=هوشه بلا فراع وعتيبه تحد سنونهـا
انته قريب والقريب اولى بتقديمه شمام=لكن اظنك ماتجيد البسمله وركونهـا
فواز السعيدي
حنا نحد سيوفنا لاجات حـزّات الزعـام=واللي تحد سنونها ترقل بروس متونها !!
انا معي عقلي وامّيز فالحـلال وفالحـرام=وانته صلاتك مدمجه بالملعبه ولحونها
سعد حميد(راع الصدق)
تاريخنا يشهد لنا وقـت المعـارك والزحـام=والا انت عينك داخن القرشه مغطـي نونهـا
انا احمد الله ماشي(ن) حسب الشريعه والنظام=وانتـه تقـدس جدتـك فالاوديـه وبطونهـا
التميز
الإهداءات
محاوره بين راع الصدق وفواز السعيدي
