السمي اول مشاركاتي بمنداكم الطيب

بسم الله الرحمن الرحيم


السلام عليكم ورحمة الله وبركاته


اخر قصيدة ابدا بها اولى مشاركاتي

وافتح باب النقد على مصارعيه لكي تعم الفائده



واحد من الشباب رزقه الله بمولود وسماه على اسمي



اقول

قم يا قصيدي وامسك الخط ميتين = وامـن الحكــومه لا تخـاف و تهـدي
لين السمـي ينطحك عند النجارين = اسحب جلنطـك و احذر انـك تعـدي
بوسه على خده من يسار و يميـن = لا تـاكــل الـخديــن يـاخــوك هــدي
ادري حـليـوه كنٌـهـا حـبـة الـتـيـن = و الوجـه يـجـبـر مـن يـودع يــردي
ميـر البـلا بالعيـن يا ساتـر العيـن = نظـرت براءة مثْـل نظـرت تـحـدي
حـوٌل على قلبي و شال الحبيبيـن = وشـد المشاعر و المشاعر تشدي
مـا يدري ان ابوه قـد شـال حييـن = من دون ما يُردع بحرب و تصـدي
يبـو طلال و كنـك النـور مـن بيــن = دنـيـاً طـغـى فـيـهـا ظـلام الـتــردي
نـورٍ على من به عمى كالبراكين = يونـس حرارتهــا و لـو هو يصـدي
الصاحب اللـي ناشـرٍ له عنـاوين = رجلـن مشى درب المراجـل وكـدي
يا جعل ربي يحفظـك قـولوا اميـن = انتـه و شـبـلـك مـن شـرور التعـدي
و تشوف يومٍ فيه كثْـر الـوراعين = و كـلٍ يـصـيـح و وده انــك تــردي

وسلامتكم



اعذروني ادري القصيده متواضعه ولكن احببت ان نستفيد منكم

صافي صح لسانك وبيض الله وجهك



ليا كان هذه متواضعة عاد وش مخبي



كلك وفا لا هنت وبيض الله وجهك


تقبل تحيتي

صافي

صح السانك ويستاهل سميك ها القصيده قصيده جميلة مميزة جزله

ننتظر جديدك المميز ويارب ماننحرم من دررك العذبه .. تقبل تحياااتي ..

صقر عتيبة

الله الله الله

قصيده جزله من شاعر جزل

صح لسانك وعلا شانك

الله يحفظ المولود

الله لايحرمنى جديدك


تقبل تحــــــــــياتي

صح لسااااانكـ .. دره ماشاءالله ..

والله يحفظة ويخلية لاهله .. ويعطيك العافية ..

ودمت بخير ..

خالص الود
...

ماشاء الله تبارك الرحمن


الله لا يحرمكم الاجر اخواني على هالكلام الطيب



شرفت بمروركم الكريم يعلم الله




لا هنتم

صح لسانك وبيض الله وجهك

أخوي صافي

والله يحفظ المولود لوالديه

ويستاهل التسمية منكم .

صح لسانك وبيض الله وجهك



ابدعت يا صافي




قصيدة جميلة الله يعطيك العافية

صحّ لسانك أخوي
والإخوان ما قصرو
وتستاهل
تقبل تواضع مروري