طابت أوقاتكم
اليكم الأبيات بدون مقدمات
تشكي الشوق المليحة والتعب على الحروف=المحبة ما تقاس بكثر ترديد الكلام
المحبة يا غرامي صعب توصف بالوصف=المحبة قلب ينبض شوق ظانيه الغرام
بين هم وبين غم وبين عزم وبين خوف=ذي حياة العاشقين الموجبة كثر الملام
أدري إنك لا طرا لك طاريٍ(ن)لحظة يطوف=بعدها يرتاح بالك يا شبيه للحمام
متعبك عذب الكلام ومتعبي حلو الطيوف=وشنسوي بالقلوب اللي معذبها الهيام
قول لي ماذا تريد أعطيك وأتحدى الظروف=لو تبا قلبي وهبته للجميلة والسلام
وإن بغيت عيوني الثنتين خذهن وشوف=كيف سويتي بقلبي يابعد كل الأنام
لو ليلى شافت بحالي ترى بحالي تروف=بالثلاث تطلق المجنون وتجيني قوام
لو حصل هذا وربي لعطي القلب الهنوف=وأكتب إسمي فوق قلبي ذا جزا حبك وسام
سامحيني يا قوافي ما علا الدنيا حسوف=وإعذريني في حلومي لا تماديت بحلام