قصيدة للشاعر :ظافر العتيبي
اهديها لكم
تعال اعلمك معنى الحـب يالغالـي=اعطيك فالحب درس وطبـق فنونـه
ابشرح الحب لك واضرب لك امثالي=ركز معي في كلامي واخذ مضمونه
الحب ياصاحبـي بايجـاز كالتالـي=اخلاص مع تضحية بالصدق مقرونه
يعني حبيبـك تحبـه حـب بهبالـي=تدمن على شوفته وتصيـر مجنونــه
وليا فقدتـه ثوانـي صيـح ياوالـي=اذرف عليـه العبايـر ليـن تلقونـه
وليا طلب شيء لوهو صعب ومحالي=قل سـم ياسيـدي مطلبـك ياهونـه
اتبع رضى صاحبك في كل الاحوالي=اتعب على راحته لا تخيـب ظنونـه
وليا سمعت العواذل عذلهـم طالـي=احذر تصـدق كـلامٍ لـك يقولونـه
لاتستمع في حبيبـك هـرج عذالـي=تـرا العـواذل حسدهـم مايخلونـه
هذي دروس المحبـه يابعـد حالـي=بالمختصر صغتها بابيـات موزونـه