بعض الرجال اذا نخيته في لوازيمك كفو=يفزع معك ويساندك في كل علم يقدره
وبعض الرجال اذا نخيته قال لك تبشر وهو= كذاب مايفزع معك لو الامور ميسره
ياعايش بفصل التزمت بعد ماعشت اللهو= مره على يمين الطريق ومرة(ن) عند ايسره
ترى الوسط بين التسيب والتشدد والغلو= اختار ماشيت ومصيرك للفنا والمقبره
وانا ترى اصحابي ماتسقط من حساباتي سهو= ان كان مااكسب صاحب(ن) طيب تراني مااخسره
اهل الوفا طول الليالي لاخذوا حاجه عطوا= كسب المراجل نهجهم والعفو عند المقدره
علم بها اللي في غيابي بااقبح الغيبه حكوا= قال المثل ماتحذف الا كل شجره مثمره
انا مع اهل الطيب منزالي مقره في علو= ماني مكلف لا انكسرعظم اعتني به واجبره
اذا حضرت اقلط صدر وانتم على حيد انزووا=سبحانه مسخر لولد ادم ثياب(ن) تستره
هذي حقيقه لو نصف الناس عنها مارضوا= لعلها تاصل لسمع اللي نسي وتذكره
وش صار لو الناس من قصدي ومغزاي ازعلوا=الصدق مكروه اكثره والكذب مرغوب اكثره
الكنقرس لو يزعل اوبامه جميعا صفقوا= والهند فيهم طايفه تركع وتسجد لبقره
لا واوجودي ياالرجال اللي عن الزله سمو= جتنا الوجيه المفلسه بعد الوجيه المسفره
على طريق اهل الاساءه او طريق من احسنوا= اختار ماشيت ومصيرك للفنا والمقبره