يسرني تقديم هذه الخاطرة الشعرية
الابيات علها تروق لكم
ياليل وين اللي له القلب ميال=الود يمه والظروف تحداني
بشكي عليه الحال وأشرح له أحوال=مما جرى لأرواحنا بالزماني
معي مخاويني بمقفا ومقبال=عايش بوسط الروح برفع مكاني
ما بيننا الحلم والشوق مرسال=ينقل مشاعر لهفنا في ثواني
يخاطب الإحساس ويريح البال=أسمع صدي همسه بوسط الأذاني
من فرحته دمعه على الخد همال=محدٍ(ن)درى عنها بقاصي وداني
يبكي فرح وأضحك هنا كل ما قال=أحس عشقك صابني بالجناني
وأسج في عالمه ويسج بهبال=في عالمي في كل وقتٍ(ن)و واني
نقطف زهور العمر قدام تنغال=في كف جور أيامنا لو جفاني
دام الهنا ما بيننا سهل ينطال=بسقيه وأشرب منه لو هو رواني
أعمارنا ما بين نازل ورحال=العمر مرة ما لنا عمر ثاني