سلام يالمطلع مني زكي السلام=سلام تحية المسلم ويبدي بها
ياعيضه انته نظامي وتعرف للنظام=العنصريه ياعيضه عيب تمشي بها

يا مرحبا عدّ من كبّر وصلّى وصام=بالطيّب اللّي صلاة الله يصلي بها!!
ما أظنّها مغير عيب ..ألاّ تراها حرام=وأنا.. وأنا أخوك ماني من مشاهيبها!!

الك البقا والخّطى نسوّقها للأمام=وبعض الخّطى تّسّتحق اقّطع عراقيبها
الليله اللعب حامي والضوامي حّيّام=عسى عّدّود الروى تصفى مشاريبها

الخطوه اللّي تقرّبنا لكم باحترام=ياطيبها ياوسيع العرف ياطيبها!!
نمشي على جرّتك لو تتجه شرق شام=مدام ضيفان بتدبّر معازيبها!!

اللي عطاك الوسام الصوت والاّ المقام=لياصار تسرح من الديره وتضوي بها
العلم يبغا ويبغا والهمام الهمام=يامعزب ضيوفك مكّمل مواجيبها

لا بالٍله ألاّ الفعول اللّي عليها الكلام=تدري بالافعال وألاّ ما أنت داريبها!!
ياحافي الرجل لو تمشي ثمانين عام=ما تأصل القمّه اللّي عوايٍ ذيبها!!

آخيروابرّك ليا خاشرتهم فالسنّام=لكّن قي سرّيةٍ والله لتبطي بها
أثّبيت في روق في برقا متى الانقسام=ليا عوى ذيبها جيعان وش لي بها

ما نأكل من الخشر والطق فك اللحام=حنّا صقورًا تعشيّها مخاليبها!!
كلاً يبى من السيوف اللّي تقص العظام=الله يعز السيوف اللّي تماريبها!!

ماياكل اّلحاله الاّ اللي مايلحق ملام=ياطيرياللي جنحينك تّوّاّمي بها
ياصناعة الهند مالك فعْل لالا الكرام=ياليت عيضه غناته مايغني بها

وش قلت فالحر الأشقر يوم رفرف وحام=واشيب عينك من الأيام واشيبها!!
اشدادكم في يدانا وأنته اخذ المسام=والله لتبطي بك الدنيا وتبطي بها!!

ياحافر الحفره اللي طحت فيها تمام=الحفره اللي جبلها سيل شعيبها
واشدادنا في يدين بن سعود الامام=والشرع والرايه الخضرا لاتسريبها