الليلة الجو ذكرني بطلع النخيل=
بالوادي اللي زروعة من بنات النخل=
ذكرني الهاجس اللي يعشق المستحيل=
قامت وروده تزاحم بين بسط وزعل=
قمت اتخير لقافي كل مبنى جزيل=
هاثم قامت لحوني بين نقض وفتل=
ياقاف شعري تخير بالجُمل والجميل=
ترى العرب ما تحب من القصيد الهزل=
والله وكيلك تراك أنته عليَّه وكيل=
وانا دخيلك ياشعري لا تزيد الملل=
قال:الشعر كيف أميز للردي والأصيل=
الوقت هذا يحير كل صاحب عقل=
قلت المعاني تراها مثل خل وخليل=
والود بين الأحبة يستمر بالوصل=
لكن فيني فؤاد ٍ(ن)من فعولك عليل=
عذبتني لين عقلي بالزمان اضمحل=
قمت اتوجد على حالي وعندي دليل=
ماكني إلا غريب ٍ(ن)مالقي له محل=
يا زهرة الورد مدري زهرة الزنجبيل=
وشلون أميز عسلك اللي جناه النحل=
إن جئت أشمك أخاف من الكلام الهزيل=
وإن جئت أذوق الطعم ممكن ما يطلع عسل=
وأخاف يضحك عليَّه بالملقف هبيل=
اللي كلامه وفعله مثل ريح البصل=
السر ما يستره سواة حبل الغسيل=
اللي ما يستر ثياب ولا يدراي خلل=
ينضح كما الزير مايحفظ كثير وقليل=
نضيح ما ينفع لظامي ولا في غسل=
لكن بدرى وأداري لين وقت الرحيل=
كله على شأن مايفرح عليَّه خبل=
ولا بد من بعد ليلي شمس وتزيح ليل=
واللي كتب للبنادم بالكتاب يحصل=