ظلت شتايت لين ربي رضى لها =جمع الشمل وأمست مثل راحة اليد
عبد العزيز الفذ هب وسعى لها=ضمته في شوق وهو ضمها بعد
المملكة عروس باهي جمالها =لبست جواهرها وتشذا شذا الورد
عروسنا الّلي فاتنة في دلالها=تنبض حياة وقلبها بالورى نجد
واليوم صارت شامخة في كمالها=مرفوعة الهامة وممشوقة القد
والله فلا نرضى عشيقة بدالها=مجنونة الأولاد والأب والجد
صرنا جميعا بالوراثة عيالها =أمٌ تجرعنا لبنها من النهد
أرض وحكام وشعب خصالها=ما تنحصر لو كان بالحاسب تعد
على ثراها البيت لاشك خالها=خالا وضعه الله في وجنة الخد
حوله عباد موصلات حبالها=لله طول الوقت ركع وسجد
ويزيدها تشريف طيبه بجلالها=في قلبها الطاهر مسجى محمد
تشد له كل القوافل رحالها =كل ما تشهد عبد باسمه تشهد
منها عرف نهج الحرام وحلالها=ما فيه فرق بين سيد ولا عبد
واستبشرت بالخير والله عطا لها=لين أصبحت جنة مثل جنة الخلد
صارت صحاريها جنان ورمالها =لبست ثيابا خضر تدفي من البرد
صانت حقوق الناس والله حبا لها=حكام نجد وخلفهم سارت الجند
تخلدت بالبال وأنا ببالها =من يوم أنا طفل رضيع على المهد
وإن قصرت الأيام وإلا بطواها =أحبها ما عشت لين ادخل اللحد
واليوم يا أما علينا فضالها =وجب علينا رد فضلك بلا حد
اليا اشتكى شبر تداعت جبالها =مستنفره طاقاتها ما تردد
تصير بركان لهبها رجالها=بركان ثائر بالحمم ما تخمد
وليا دعا داعي فهدنا وقالها =سرنا سوا شيابنا تسبق المرد
رجالها وقت الحرايب نزالها=تطير الهامات وتدمي الكبد
سيوفنا من دونها في صلالها =على الرقاب نحدها بالدمي حد
من هو يعاديها فلا طيب فالها=برماحنا وسيوفنا ينجلد جلد
المملكة جنة وحنا ظلالها =وأصواتنا من دونها كنها الرعد
حنا مثل سيل ليا أمطر خيالها =ما ينحي عن دربه الّلي تعود
مثل النجوم العاليه مع هلالها=وقلوبنا وقت الحرايب حجر صلد
عدوانها حبّ طحن في ثفالها=والّلي يعاندنا يجب مدى العند
تصفق يمينه بالندامة شمالها=ما ينفعه كثر التمني ولا الوجد