الله الله على الابداع
قصيدة تستحق أن تدون بالذهب لما فيها من حسن الصياغة والتناسق بين الكلمات والأبيات
صح لسانك يا عثمان
خلاص يا الاحزان حلي من كياني واخرجي = ماعاد انا حمل الجروح العاتبات المولمه
حبيبتي جتني وانا ماكنت احسبها تجي = حل الفرح والنورباركان الزوايا المظلمه
جتني وحلة زنقة الكربه وعانقت فرجي =صقر الرجاء صارع غراب الياس يادوب هزمه
ياضمة الصدر الحنون ونبرة الصوت الشجي= ياطلة الصبح الجميل اللي تلالا مبسمه
اسقيك من صافي حناني ياحياتي وانتجي = ردة فعل يرضابها المغرم بعد حرقة دمه
ثيري براكين التفاعل واهمسيلي واغنجي = جرح(ن) من يدينك حصل بيديك حطي بلسمه
صبي من دلال الغلا والود صب القهوجي = اروي ضماء روح(ن) من الفرقاء هشيم محطمه
خليني اروى سلسبيل وشهد صافي وابهجي= صدر(ن) مراسيم الفرح بعدك عليه محرمه
شوفت عيوني وجهك اللي كالنهار الابلجي = مصدر سروري وارتياحي ياعساني معد مه
دام الوفاء منهجك يانور العيون ومنهجي = نبا نسطر منه للعشاق درس وملحمه
عني خيول الوصل ما بيني وبينك واسرجي= ملزم بوصلك وانتي بوصلي كذلك ملزمه
اذا دفعت خطاي يمك يمي خطاك ادرجي =عند الموادع تكفي النظره عقول(ن) ملهمه
مافيه خوف من الفراق اذا انضمن بعده مجي= الخوف من فرقى بها فرصة لقانا معدمه