مساكم الله بكل خير وعافية
اليكم ما جاد به المساء
الأبيات
حاضر الأيام غير الأولا=الزمان الزين باللي فيه فات
يا زمانٍ(ن)فات من مر وحلا=ما بقا لي منك غير الذكريات
ذكرياتٍ(ن)غالية وأكثر غلا=لا ذكرتك يا مكيد الفاتنات
من سنين القلب عنكِ(ي)ما سلا=أذكرك أحيان حتى بالصلاة
أذكر لصوتك ولونك والبلا=لا ذكرت لسحر ذيك الناعسات
أذكر لهمسك ونظرات كحلا=نادرة بين الصبايا والبنات
أذكر لجيدك وعقد وسلسلا=وأذكر لذيك النهود الزاميات
وأذكر لعطرك وكلمة يا هلا=أذكر لبسمتك في لحظة سكات
أذكر لمشيتك بشموخ وعُلا=وأذكر لنظرات عينك بالمراة
أذكر لخوفك عليّه ما أزعلا=وأذكر لغيرتك من حلم المبات
أذكر لكلك جمال مكملا=من قدمك لحد شعرك والشفاة
حاضر الأيام غير الأولا=الزمان الزين باللي فيه فات