ايـا لـيــلٍ يـطــاولـنــي مـتــى يـظـهـر عـلي فجرك=يـطـــول الـلـيــل مـن هـمي و ترديدات موّالي
اشب النار تـِـدْفِـيـنــي مـــدام تـــشـــح فـــي جمرك=يحــرِّقني لهب ضوي الى من جيت في بالي
خـذانــي مـعــك هاجوسي واشوف النور من ثغرك=وجـيـتـيـني عـلـى مـهـلـك بـمـشي التيه تختالي
وجـلـسـتـــك عـلى الـمـتـكـى وكـل شيٍّ على امرك=ومـلـكــتــك فـوادي قــبــل لا تــاتـيــن مـنزالي
و هذي دلـّـتــــي شـوفي مــــن دلالــك وذا نجـرك=وذالفــنــــجـــال فـنـــجالك اذوق المر به حالي
وذا الـمـقــداع مـقــداعـك وذاك التمر هو تمرك=واشوفك جالسه عندي واسولف لك عن احوالي
واقدم لك دهن جاوي ولكن ضيّعه عطرك=وغالي العود شبيته وريحه ضاع فالحالي
حـويـتــك بـالـحـديــث اللـي يـبـيـن لك عظـم قدرك=تـنـقـيــت الـكــــلام و ضيعك روعة تغزّالي
يــولّي الـلـيـل مـا نـدري إلى مـــنـّــه ظهر سـحــرك=سحر هـمسك يــخــلــيـــنــي اجي معلن تذلالي
كبيره بــس مــن حــكـيــك احـس انه رجع صغرك=واقــول الـفـــكــر يا كبره ولكن منطق اطفالي
تـنـــاوشـتــك هـقـيـت اني بلامس لو طرف شعرك=ولــكـــن لـــلاسف غبتي وحرقني سنا الصالي
اثــاري مـــا بـه احــدٍ و الصدر ضوّه جمر سمرك=واثــاري هـــالــدلال اللــي اناظرها هي دلالي
اقـلـــب فــالــجـمــر تـوي و يـلـمــع لي سـنا نحرك=بـوســـــط اللــيـــل قدامي و انا ياحول بلحالي
اصـبـّــر نـفـــســي القــشــرا و لـملم فالصدرذكرك=ويطــرالي حـــلو همـسـك وردد يا بري حالي
عــطــيــتــك مـن حـناني بـس لا فادك و لا ضرك=تـنــــكـــرتي و قــلــتي لي حنانٍ منك ما جالي
زرعت القلب لك و احه و ظليتي على دهرك=ويومٍ قَصْرَتِ احبالك انا طولت فحبالي
مـن اللي بـعــّدك مــنـــي ووصلك بدلّه هجرك=على غـفـــله تـغـــيـــّرتي وجا يشكيك مرسالي
كـســـرتي الـقــلب والخاطر وانا ادور جبر كسرك=عـســا يـكـــســـر فــوادك واحـدٍ يبعد ولا يبالي
وجيتيني عقب مده دموعك بللت صدرك=تراها ما اثرت فيني وعزي لك وعزالي
تــعـــذرتــي بـعـــذر واهــي وحـاولتي ستر غدرك= حـسـبـتـيـني مـن هـبــالــك اببقا لك على هبالي
تــرا لـيـــام دواره وانــا مـــاني عــلـــى خـبـــرك=نـســيـــت الـعــهـــد يا طفله وخليني على فالي
مصـيـــر الـــوقـــت وايامـــه يبين لي كذب عذرك=مـصـيرك تـفقدين الخاطر اللي يرخص الغالي
جعل جرحك فدا جرحي و جعل عمري بعد عمرك=وجـعــل مــن لامـنــي يـلــقى معا ليام غربالي
مشبب العاصمي