السلام عليكم ورحمة الله وبركاته
وحده تقول لي:قصائدك مختلفة مهي مثل أول
فكان ردي عليها بهذه الأبيات علها تروق لكم
جتني تدور مبتغاها وقالت:=وينك عسى ما شر ما عاد شفناك
قلت:الظروف القاسية غصب حالت=الوقت يحداني وجاي يتحداك
قالت:قصيدك مختلف قلت:طالت=حتى قصيدي من قسا الوقت يفداك
شمسي بعد مشراقها اليوم مالت=يم المغيب وصار في فكري إرباك
أخذت جميل العمر ثم إستقالت=أصبحت كلي هيكل مثل مسواك
حتى القصائد والشعر بعد شالت=ما باقي الا ذكرياتي على ذاك
اللي من أول يبهج الروح زالت=قفا سواة مقفي(ن)يوم خلاك
قالت:حسافة دمعة العين سالت=من حالتك يا راعي العرف وش جاك
ماهو بخبري فيك قاعد تفالت=قلت:العذر علمي نصاك وتعداك
أشيا كثيرة داخل القلب غالت=عذب الكلام ولا بقا غير ذكراك