أسعد الله أوقاتكم
وكل عام وأنتم بالف خير
الليلة 1436/1/1 هــ
جعله الله عام خير ويمن وبركة وسلام على كل بلاد الإسلام
ألا ليتني وإياك يالصاحب المملوح=قبل لا يروح العمر ليلة تمتـعنا
وألا ليتني وإياك كنا بسفينة نوح=على متنها والموج عالي تربعنا
ما كان اشتكينا من فراقٍ(ن)يزيد جروح=ظلوم الزمن والحظ فرق تجمعنا
لكن مشتكانا فوق منهو خلق للروح=إلاهٍ(ن)ليا منا دعيناه يسمعنا
يقربك مني بعدها عنك أنا ما روح=ليا جئتني تبرا بقربك مواجعنا
تطيب الجروح اللي بقلبي غدن قروح=تزين الليال ونهتني في مضاجعنا
أسولف معك وأسمعك من جدنا ومزوح=على شأن ننسى ذكرياتٍ(ن)تلوعنا
تقل لي هلا كل شيء في حضرتك مسموح=وأقل لك فداك الروح هذي طبايعنا
عسى الله يديمك تاج راسي ونبض فروح=إلهي لوقت فراقنا لا ترجعنا
تمنيت أنا وإياك يالصاحب الممدوح=نقول العمر لو نجتمع ما يشبعنا
قدرنا كتبه اللي خلقنا بصفحة لوح=لك الحمد ياربي سمعنا لك وطعنا
لكن ليتني وإياك يالصاحب المملوح=قبل لا يروح العمر ليلة تمتعنا