أسعدكم الله بكل زمان ومكان
هذه الأبيات كانت تعليق على قصيدة للشاعر سعيد مرزوق
بعنوان هلوسة وردت على الرابط التالي
http://www.alqwafel.com/vb/showthread.php?t=20210
اضفت عليها كم بيت وها هي اطرحها بين ايديكم علها تروق لكم
ياللي هواجسيه سواة الكوابيس=كل ما غفا بالنوم قامت توطاه
مثل الذيابة قدم عينه مراويس=وإن ما صحا لابد ليله تعشاه
يقلاه حبه مثل قلي المحاميس=يشرب عليه المي لكن ما أرواه
واليوم أشوفه قام يثعى القراطيس=طاروق يسدح به وطاروق غناه
مدري طرب والا مجاري متاعيس=ومن لا رباه ابوه فالوقت يرباه
ومن لا توقع راح عند الجواسيس=اما انكوى بالوجه والا بعلباه
والنور ما يشبه لليل الغطاليس=ومن لا هداه الفكر شيطانه أعماه
لكن عقيد القوم ما يتبع الهيس=لو يتبعه بالراي ياصاحي اغواه
ياسعيد لا تلعب براسك وساويس=اذكر لربك من تعلق به أنجاه
البوم ما يقرب لوكر القرانيس=واللي شحيح الجود هاجر ليمناه
ترى كلام الجد غير التماليس=لا ترتجي في نو معطيك مقفاه
لو بارقه كسر ظلام الخراميس=خله على ماقيل رايح بمسراه
لا تلعب براسك جنون الوساويس=تعوذ الشيطان والعن لمثواه
ياللي هواجسيه سواة الكوابيس=كل ما غفا بالنوم قامت توطاه