جديد عله يروق للقريب والبعيد
..................
لاح برق السحاب وذكر المعلوق
صاحب ٍ فيه من برق الحيا بارق
كن برق الحيا بأعلى السحابة فوق
وجنة اللي لقلبي بالغلا سارق
قمت اهوجس وأغني وابدع الطاروق
والحشا من بعاده بالعنا شارق
يا جميل الوصايف يارفيع الذوق
يشهد الله بعادك ياغلا حارق
حبك اللي تمكن من حشا وعروق
ما يفارق يكود الروح بتفارق
من سنين ٍ ملكت القلب بالمنطوق
يا أعذب الناس صوتك للهوى طارق
البشر بالحسن ما بينهم افروق
وأنت حسنك لوحدك بالحلا فارق
مير يا حيف حظي حط دونك عوق
مارحم للقلوب وهمها زارق
كم شكينا فراق لحظنا الممحوق
مالقينا عن جروح الهوى دارق
مير لله نشكي خالق المخلوق
يلطف بحالنا من حظنا المارق
كل ما لاح بارق ذكر المعلوق
صاحب ٍ فيه من برق الحيا بارق
ⒿⒶⒷⒺⓇ