أسعدكم الله
أبيات كيبوردية سريعة اهديها لكم هذا المساء
علها تروق لكم
فديت كفٍ(ن)يخطف لخافقي خطف=منقوشةٍ(ن)والنقش رسمه زهاها
يا نقشة الحنا على ناعم الكف=يا حلوها والكف زود حلاها
فديت منهو زفها للفرح زف=اختار نقشتها وفيها تباها
من شفتها والشوق في داخلي لف=وأحيا لروجٍ(ن)ميته من هواها
كم ليةٍ(ن)تراقص بقلبي الشف=ودي بها والنفس تطلب رضاها
تحلم بمد الكف من ناعس الطرف=الفاتن اللي حبنا ما غواها
أعوام وأنا للهوى منعسف عسف=معشوقتي ما فيه عذرا كماها
فيها جمال يفوق ما قيل بالوصف=وفيها دلال وذوق لائق علاها
اللون ساحر والجسد آه يا الولف=تحفة وربي للمحاسن عطاها
من حبها القلب ما وقف النزف=تكبر ويكبر في فؤادي غلاها
لا من ذكرت حبيبي صابني رجف=زفرات صدري نارها ما قواها
غرامنا بقلوبنا جاير وصلف=وقلوبنا ما بعد لقيت دواها
كل واحدٍ(ن)لصويحبه ميتٍ(ن)لهف=شوق وغرام وحب وأشياء سواها
بيني وبين الغالية للهوى حلف=عهد الغرام أمضته عندي يداها
وأنا بعد عاهدتها ما أنتكس خلف=روحي وشعري والمشاعر فداها
فديت كفٍ(ن)يخطف لخافقي خطف=منقوشةٍ(ن)والنقش رسمه زهاها