الأبيات بدون مقدمات
....
عدة سنة سنين أغرف على كل طاروق=من بحر شعري بالهجوس أغترفها
لكن عجزت اضبط بها ساعة الشوق=اللي حبيبي من ذكاه يعرفها
انطر مجي حبيًبي كامل الذوق=خيل المشاعر بالوصال يعسفها
وإن طول الغيبة فداياه معلوق=و أحلامنا عسى الكريم يخلفـها
ما عدت بقوى بالحشا دم محروق=النفس فيني من يطفي لهفها ؟
كن الصدر على المعاليق مطبوق=دقات قلبي زاد فيني رجفـها
أحس فيني نزف ماهو بمسبوق=من لوعةٍ(ن)بالكبد زايد صلفها
عليك يا غايب بعد صرت معشوق=تركتني في حالةٍ(ن)من وقفها؟
ذاق القهر والضيم لن ضاعت حقوق=وفر يمينك ما طلبت تحلفها
كافي هواك مطوقٍ(ن)خافقي طوق=لين العروق الحب مني نشفها
وإن قلت لي ملحوق والحظ محلوق=خلاص عشنا للسنين وعجفها
ماهو صحيح إنْ كل مطرود ملحوق=ياما كثير أشياء زماني نسفها
مخلوق ما يمشي على كيف مخلوق=كل البشر تخضع لخالق نطفها
الواحد اللي منزل الغيث من فوق=مجر الرياح وكم خلق تعصفها
هذا بعض من كل والرفق مرفوق=سوالفٍ(ن)جاب الشعر من طرفها
عدة سنة سنين أغرف على كل طاروق=من بحر شعري بالهجوس أغترفها