مساؤكم وصباحكم كله خير
واليكم أخر قصيدة أكتبها
فالمعذرة
يا مالك قلبي و روحي وفكري=متى يرق القلب بالله عليه
يا ساحر نبضي وحرفي وشعري=أنت القوافي واللحون الشجية
أعذب قصيدي فيك شيله وحدري=و أرقى المعاني منك مية بميه
لي مدة أقولها وأنت تدري=إن القصائد فيك مني شويه
ترى الغلا أكثره في جوف صدري=عايش معي ما دامت الروح حيه
يا ما صرخت أهواك يا بعد عمري=بحيت صوتي و أنت منته هنيه
مدري تغلي منك والا تمزري=ثنتينها للعشق أكبر بليه
خليتني أبيع بالظن وأشري=أبيع سية وأشتري الف سيه
وأكبر مصيبة عاد لو هان قدري=عندك وأنا أشوفك تساوي عينيه
أشكي لك الأحوال وتقول بدري=الظاهر إنك ناوي(ن)لك بنيه
بزيد صبري صبر وإن قل صبري=المعذرة ما عاد هو في يديه
لعل ياتي يسر من بعد عسري=تنزاح عن قلبي هموم عتيه