يا نجوم الليال الساريه=اشتكى الليل من صمت الكلام
كان عني وعنها داريه=بلغيها عن الساهر سلام
من سنين الحلوم الضاريه=تطرد النوم من عين المنام
السهر مع مع طيوف ٍ(ن)عاريه=ويش حكمه حلاله والحرام
في عيوني مولع ناريه=والمشاعر مولعها غرام
كل ما هب نسمة ذاريه=افتكرت السوالف قبل عام
كانت تقول لي ماغاريه=قلت والله ما غيرك بالأنام
أحسن البيض عندك جاريه=لو أبوها رفيعٍ(ن)بالمقام
أنتِ(ي)اللي لحالي باريه=مشغلة للهجوس و للحلام
المشاعر لحبك شاريه=والقصائد تبادلك الوئام
يا مهاة الهوى يا فاريه=قلبي اللي تولع بك وهام
جئتك بعشق رافع ساريه=يا كريمة من أقوامٍ(ن)كرام
وجئتك بسحر وأنتِ(ي)قاريه=عالجيني من أوجاع وسقام
وبلغي للنجوم الساريه=تسمع البوح في عذب الكلام