يا غلاي الكون ما يسوى بدونك=بعد ما صارت حياتي من حياتك
عاشقٍ(ن) مفتون في سحرك ولونك=أطلبي روحي ترى بالحال جاتك
مو غريبــة النسـاء لو يحسدونك=كاملــة كل المحــاسن يا حـلاتك
ناعس ٍطرفك وذبـلات عيونــك=ناظــري بالعيــن تعكـســها مراتك
اللــه اللي كملك وأبدع حسونك=يتعب الوصاف ما يحصي صفاتك
رائعــة في كل شيءٍ من فنونك=في حنانك في خصامك في سكاتك
آه منك يا غــرام ومن جنــونك=مذهــلة يا مذهــلة في كل ذاتـــــك
أطربيني يا غرامي من لحونك=يا حلا صــوتك وما تنطـق شــفاتك
وأطلبي مني وأنا بالحال عونك=ويش أبي بروحي إذا ماحقق مناتك
والله إنه لا يوفــق من يخـونك=يا بعد عمــري إذا هـذي وصــاتك