ياذا المكان اللي جمع شملنا العام=
اليوم تسقى من غزير السحابه=
ذكرى جميلة عطرت ماض الأيام=
ياليتها ترجع بشوق ومهابه=
كان استراح البال من نار الأوهام=
وأنا استريح من الهوى والصبابه=
اكثر ليال العام بتمر ما أنام=
جل الليالي في عيوني تشابه=
وليا غفيت شوي صحتني أحلام=
ما كنها إلا فوق نومي رقابه=
وأرجع على ما كنت بالفكر حوام=
مابين ليت وليت جوه غدى به=
اسلي الخاطر بترتيل الأقلام=
لين اشتكت مني حروف الكتابه=
أنا وبيت الشعر نشكي من أسقام=
نشكي معاناة الهوى والرتابه=
اللي نريده راح ما هو بقدام=
واللي نعافه مقبل ٍ(ن)بالكآبه=
ياذا المكان اللي جمع شملنا العام=
اليوم تسقى من غزير السحابه=