ذل الخضوع
طويت ودك مع صحـائف زماني=وكتبـت فوقــه ذكـرياتي بالأزمــان
بأسباب هجرانك قتلت الحنــانِ=وأنسيتني حلـو الشفـائف والأعيـان
وأقســيت قلبي بعد للحـب لانِ=وفجـرت في قلبي من الكــره بركـان
واليـوم ســرك للمخاليق بـــانِ=كـل عــرف قصــة هواكــم لراكـــان
ومادامت إن الــود والحب هانِ=عنـدك فأنـا عنـدي معـزز ومنصـان
ولأني مســــائر واحد ما يباني=ولا أحـب أكـون بودكـم رقمي اثنان
ولأني معاشــر واحد قد جفاني=ولأنـي على ما فــات يا خـل ندمـان
من هو يود اثنين لا شك جاني=بأخــر مطــافـه يخسـر فـلان و فـلان
ولأني معاتب واحد قد شنأني=ولأنــي عليه إن راح بالحيل حسفـان
ما قدمضى سموه بالوقت كان=حـــال الزمـن دونـه وواراه نسـيان
أيـن الليالي الطيبات الحساني=أيـن اللهف والشوق وضمٍ الأحضـان
أيـن التدلل والهـوى والجنـانِ=أيـن اللبوس الناعمة وذيك الألـوان
أين الجـواهر خاليات ألأذانـي=ما كنهــا في يوم زانـت بخرصــــان
أين العهود و ين حسن البيانِ=أيـن المـرايــا والمبــاخــر و الأيمــان
أين النقوش وين ريح الحنــانِ=أيـن الشفايا الحمر ورموش واوجان
أين الكفوف وين زهـو البنــانِ=أين الشعور اللي تغطــي الأمتــان
أيـن الهدايـا والصور والأغـاني=أيـن العطور و ويـن عذبات الألحــان
أين القصيد وين حلو الأماني=أيـن الجموح ووين صرخات وإذعـان
أيـن المرح و يـن رمز التفـاني=أيـن المـزوح ويـن ضحكـات الأسـنان
أين الفرح و ين ظرف التهاني=أيـن الملــف اللي حـوا ألـف عنـوان
أين القصائد و ين نطق اللسانِ=أيـن الكتب وإلا القصص كان ما كان
أيـن الظنون وشوفـة بالعيـانِ=كـن الزمـان الحلـو في يـوم مـا زان
وظنك بعدما صار أبقا مكاني=حتى يـروق البــال وتعـود ولهـــان
لا والذي صورك ما أبقا ثواني=وأنا أعـرف إنك رحت في غير رجعان
من هو تركني بتركه لو ....=ولأني على مثـله من الناس زعلان
من باعني بعته بسر وبيــانِ=خــله يجــرب غيرنــا كـان عشـقـان
وأما أنا نسيت حي نســـاني=ذل الخضــوع لمثلهـا بعد مـا حــان