•••آقول صب شآهي بس •••
المشهد الأول
\
/
وزير + وزير
الأول: وش أخبار وزارتك ..؟!
الثاني: الأمور فيها تمام بس العجز المالي شوي مأرقني وما يخليني أنام !
الأول: للحين ماعرفتوا الخلل ..؟!
الثاني: أنا احصلها من العجز أو الإختلاسات أو .. أو ..
أقول: صب شاهي بس !!
!!
المشهد الثاني
\
/
مدير + مدير
الأول: وش اخبار إدارتك ..؟!
الثاني: الأمور فيها تمام بس تسيّب الموظفين شوي مأرقني وما يخليني أنام
الأول: للحين ما عالجت الوضع ..؟!!
الثاني: أنا أحصلها من الموظفين أو رؤساء الأقسام أو ..
أقول: صب شاهي بس
المشهد الثالث
\
/
موظف + موظف
الأول: وش أخبار شغلك ..؟
الثاني: الأمور فيه تمام بس موضوع الإجازة شوي مأرقني وما يخليني أنام
الأول: للحين ما وافقوا لك عليها
الثاني: أنا احصلها من الأدارة أو المراجعين أو .. أو
أقول: صب شاهي بس !!
المشهد الرابع
\
/
مواطن + مواطن
الأول: وش أخبارك اليوم ..؟
الثاني: الأمور تمام بس مشكلة الشغالة شوي مأرقني وما يخليني أنام
الأول: للحين ماجتك التأشيره ..؟
الثاني: أنا أحصلها من من مكتب العمل أو الإستقدام أو .. أو
أقول: صب شاهي بس !!
المشهد الخامس
\
/
زوجة + زوجة
الأولى: وش أخبار عيالك ..؟
الثانيه: الأمور تمام بس هالولد اللي ما توظف شوي مأرقني وما خلاني أنام
الأولى: للحين ما حصل وظيفه؟؟
الثانيه: انا احصلها من وظيفة الولد أو خطبة البنت أو .. أو
أقول: صبي شاهي بس !!
المشهد السادس
\
/
عامل + عامل
الأول: كيف كفيل مال أنتا ..؟
الثاني: كويس بس هذا مشكل راتب يسوي تفكير ومافي نوم
الأول: ليش هو ما يعطي راتب ..؟
الثاني: انا مشكل كفيل أو مشكل بيت مال أنا أو .. أو
صديق: جيب شاهي !!
المشهد السابع
\
/
غريب الوطن + ( .. )
( .. ): هــا بشرني كيف النوم معك ..؟!
غريب الوطن: والله النوم زفت ولله الحمد ! كل يوم احس فيني
النوم أقوم أنام بس ما أنام !
( .. ): لا تفكر كثير أنت تحب
غريب الوطن: أنا أحصلها منك أو من الطلبات أو من الدوام
اللي باقي له اسبوع أو .. أو
أقول: صبي شاهي بس !!
المشهد الأخير
\
/
كل الناس بكل فئاتها ومكاناتها الأجتماعية تعاني من هموم تؤرقها وكل واحد همومه
على حجمه وكلن ( يصب شاهي على قد البيالة او كاسه اللي بيده ) !!
اللّهم لآتجعلْ الدنيآآ أكبر همنـآآآ :/
مما أعجبني فنقلته لكم
آإقوول صبـوولـي شـآإهي