بسم الله الرحمن الرحيم
السلام عليكم ورحمة الله وبركاته
اليكم أبيات هذا المساء
علها تروق لكم
الروح جاتك والجسد حده ظروف=لو كان يقدر ماتوخر دقيقه
ماهي بلا ذله ولا حده الخوف=لكن ما يعرف لوصلك طريقه
والا على لقياك بلحيل ملهوف=أحس في جوفه من القهر ضيقه
ليتك بعينك تطلع لحظة تشوف=لأجل تعرف إني ذكرت الحقيقه
يمكن ليا شفته على حاله تروف=ترحمه من هم(ن)غدا مايطيقه
أصبح رهينك كنه اليوم مكتوف=في داخله الوجد ولع حريقه
زاده تواجيد الهوى كله حسوف=وده بقربك والليالي تعيقه
يسهر قهر ويواصل اليوم ويسوف=ما عاد يعرف وين سالك طريقه
عسى التعب يا ناعس الطرف مخلوف=تمسح همومه بالليال المويقه
وإن كان ما سويتها غصب بيعوف=ما عاد له رجوى بكل الخليقه