أسعدكم الله دنيا وأخرة
الأبيات
علها تروق لكم
يافاتنة بين البشر=ياوردةٍ بين الزهر
ياشمعتي ليل السمر=الشوق نارٍ ما تطاق
طول غيابك والسفر=كل يوم يعدل له شهر
والهم يرعى بالصدر=ضايق وفكري منه ضاق
تعبت وأتعبت الشعر=وأتعبت حرفي والنثر
أكتب سطر أمسح سطر=القلب محروق احتراق
مشتاق لك شوق الشجر=بالصيف يسقيه المطر
ومشتاق لك شوق النظر=يشوف ما ضم النطاق
عمري بدونك في خطر=وليلي معاناة وسهر
إلى متى بقوى صبر=ياشين لوعات الفراق
في داخلي موج وبحر=حب وغرامٍ مع قهر
منها فؤادي انفطر=ينزف مواجيع اشتياق
هواك ضربٍ من سحر=شل الرزانه والفكر
ياساحرة ليش الهجر=مرار علقم ما يذاق
يا ويل قلبي والعمر=مرار بُعد وصبر أمر
يقبل دهر يقفي دهر=وأنا وجرحي في عناق
هبلت فيني بنتحر=أنا وحبٍ(ن)منكسر
بالصدر جوفي منقبر=ملتف ساقٍ فوق ساق
ماهو تقدم فإنتظر=يجيك من شين وطهر
ترى الوفا غير الغدر=ومن ضاق يوم بيوم راق
إن كان هذا من القدر=رضيت به حمد وشكر
وإن كان هذا من المكر=يجزاك ربي بالبواق