لا تقولي ويش فيني معجبك=الحقيقة عندي أكثر من سبب
الحسن في كل ذاتك مشتبك=كل شيء(ن)فيك يا روحي عجب
الأدب والدين وطيَب منسبك=والحسن والذوق ما بين العرب
والدلال وشوق قلب(ن)متعبك=هي هنا قلبي ولو فيها تعب
الهوى والشوق دوم يقربك=لين قلبي من غرامك التهب
ليا سمع صوتك وشوفك يرتبك=لو عزف الحان او غنى طرب
لو بيدي كان والله لأنهبك=بالرضا بأخذك والا بالغصب
عن عيون الخلق ودي أحجبك=بعتلي وإياك من فوق السحب
إن بغيت لعوب معك ملعبك=وإن بغيت تشب فضلوعي حطب
المهم تكون لي وأنصبك=فوق عرش القلب بعد القلب حب
ودي أحقق مناك ومطلبك=غايتي ومناي البي لك طلب