السلام عليكم ورحمة الله وبركاته ,,,



مداعبة شاعرنا ابن هليل ذكترني بابيات كاتبهن والله من خمس سنوات من ايام المتوسطة يمكن ,,


قلت اطرحهن بين يديكم واعذروني من القصور ,,



طبعا موجهه الى سولافة فواخرجي (ام حمزة )



اليكم الابيات :




الراس دايخ وابي من التتن مزه ..

عطني زقاره شف المربور بالدرجي ..!!

واركب يافيصل على اللي دزته دزه ..

مركب تون بلير ومركب رايس وجورجي ..!!

امريكي تصنيعه وجي ام سي رمزه ..

تقل الاصيله بلا اعنان وبلا سرجي ..!!

امسك عليه الشمال وحده ولزه ..

وعب مكينته من زيت سوبر جي ..!!

للحدّ لامن بغيته .. مسهل القمزه ..

يرقالك الحد لو رفعه رفع برجي ..!!

الين تاصل ديار الزين في برزه..

الديره اللي بها كل هم ينفرجي ..!!

ديرة هل الزين والخدين والغمزه ..

وأخص منهم ( سولافه فواخرجي ) ..!!

قل (مبدع) اخوي لو يزعل ابو حمزه ..

وضعه خطير بسببك وموقفه حرجي ..!!

من شافك النوم ماذاقه ولا حزه ..

ويقول غيرك فلا يطلب ولا يرجي ..!!

واذا رضت عطلها المفتاح لاتعزه ..

والصبر ماهوب لاخرجك ولا خرجي ..!!

خيال شاعر رسمه براسه وكزه ..

احساس عابر وانا ترجمته لهرجي ..!!

والتتن تراى لاكنه ولا مزه ..

واللي مهو مصدق .. يفتش الدرجي ..!!