إحصائية العضو
لبيه ياوصل المحبين لبيه الله من قلب(ن) كثيرة طواريه = مافاده علاج الطبيب المداوي لبيه ياوصل المحبين لبيه = والا الجفاء بالحيل للروح كاوي لاغاب من نهواه صرنا نحاتيه = والقلب في بعده كثير الشكاوي اشوف خلي في منامي واناديه = وافز من نومي مثل ذيب عاوي ياويل حالي كل ماحل طاريه = انا اشهد ان الحب كله بلاوي غلاه وسط الروح وماحد(ن) يساويه = وقصة هوانا جات مع كل راوي كل العذارى لاحضر تلتفت فيه = كانه ليا من طل نجم(ن) سماوي الله من قلب(ن) كثيرة طواريه = مافاده علاج الطبيب المداوي