للشاعر سطام بن شفلوت
*********************
أبرد من الليله جفا بعد الاحباب
ماهوب بردك ياالشتاء وانت بارد
صحيح بردك شين والثلج ماذاب
ونسرية الشرق الشمالي تطارد
لكن ترى برد الجفا شين لا غياب
أحد يصير الفكر سبته شارد
كن الغلا له داخل الروح ينساب
والشوق له من بين الاضلاع سارد
كل الوجيه اللي بعد وجهه اغراب
حتى لو انها في عيوني توارد
قلبي بعد ماغاب حاير و مرتاب
وفكري يجسد صورته في الشوارد
الفرح مايفتح على غيبته باب
وصدري عليه الضيق و الهم يارد
صحيح ان البعد متعب و غلاب
لكن لامل للوصل يبقى موارد
لان الجفا ماهوب من طبع الاحباب
وغيابهم مثل الشتاء يمر بارد