إحصائية العضو
طريقة الفطيرة الايطاليه نبدأ بالعجينه اي عجينة تضبطينها وترتاحي لها الحشوة ~ دجاج مخلي من العظم والجلد ومقطع صغير بصلة مقطعه فصين ثوم مهروسين فلفل احمر مقطع مكعبات فلفل اخضر مقطع مكعبات فطر مقطع صغير نبدأ نحمس البصل بشوي زيت وبعد ما يذبل نحط الثوم وما نطول حمس نضيف الدجاج على طول بعد ما نحط الدجاج نضيف عليه فلفل اسود مطحون طازج نقلب لين يتغير لون الدجاج ويبدأ ينشف من المويه بعدها نضيف عليه فلفل احمر حار مطحون ,, وبعدها نضيف باقي الحشوة والملح ونقلب شوي هذا شكل الحشوة بعد ما استوت نقسم العجينة 3 اقسام وناخذ او قسم ونرش عليه دقيق نفردها على شكل مستطيل بعدها نحط الحشوة على الطرف بعدها نرش الحشوة بجبن موزريلا ونقطع جبن بشكل شرائح فوقها ,, بعد كذا ناخذ عجلة تقطيع البيتزا ونعمل فتحات بشكل مائل لكن ما نقطع العجينه كلها ,,نسوي فتحات بس بعد كذا نطبق العجينه على الحشوة ونحاول نوسع الفتحات شوي نخليها 10 دقائق وبعد كذا ندهنا ونرش السمسم ندخلها فرن ساخن ونخليها لين تستوي وتتحمر ,, هذا شكلها