إحصائية العضو
الحزن خيم على دنياي والحاله كئيبه الحزن خيم على دنياي والحاله كئيبه = والصدر ضايق وهذا الكون يفجعني ظلامه والخفوق من الوله ينبض ونبضاته غريبه = والمشاعر كنها طفل (ن) شكى لحظة فطامه والحنين الي سكن روحي تراه اكبر مصيبه = والشقى غطى الملامح والجسم تشكي عظامه كل هذا الي حصلي بعد فارقت الحبيبه = من بعد فارقتها راحت بعيد الابتسااامه كانت اقرب لي من الانفاس فيها كل طيبه = وكانت البلسم لجرح القلب هي لذة غرامه وكانت الي تحتويني دون شك ودون ريبه = تسقي الروح العليله مثل وبل(ن) من غمامه طيفها دايم على بالي وهي اقرب قريبه = اوحشتني نظرة الغالي وواحشني كلامه الحزن خيم على دنياي والحاله كئيبه = والصدر ضايق وهذا الكون يفجعني ظلامه